Home News Panoorin: Pagkakilanlan ng Höld@për, Tukoy na ng Bacoor Pulis

Panoorin: Pagkakilanlan ng Höld@për, Tukoy na ng Bacoor Pulis

257
0

Nagbabala ngayong Martes ang Bacoor police sa mga dental clinic laban sa isang lalaking holdaper na pinupuntirya umano ang mga klinika.

Ayon kay Police Lt. Janice de Guzman, public information officer ng Bacoor police, target talaga ng suspek na kinilalang si John Michael Romero ang mga klinika dahil kadalasan ay babae ang mga staff dito at wala ring security personnel.

Nakuhanan ng CCTV ang magkahiwalay na insidente ng panghoholdap ng suspek sa mga clinic sa Bacoor noong Oktubre 10 and 7.

Bagaman naka-face mask ang suspek sa parehong insidente, natukoy pa rin ang kaniyang pagkakakilanlan.

Dati nang naaresto si Romero sa kasong robbery hold-up sa Pasay pero dahil bailable, nakalaya ito, ayon sa pulisya.

Pinuntahan ng mga awtoridad si Romero sa address nito sa Pasay pero hindi na umano ito doon nakatira.

Ayon sa Bacoor police, pinaiikutan na nila ang mga clinic sa lugar para hindi na masundan pa ang mga insidente.

Pinayuhan din ng pulisya ang mga may-ari ng dental clinic na ugaliing i-lock ang pintuan para hindi basta-basta nakakapasok ang mga tao.

Gawin na lang din umanong by appointment ang serbisyo at ipagbawal muna ang mga kliyenteng walk-in.

Facebook Comments

LEAVE A REPLY

Please enter your comment!
Please enter your name here